ಬೆಳ್ತಂಗಡಿ(ನ.೧೮, ಕುಲಾಲ್ ವರ್ಲ್ಡ್ ನ್ಯೂಸ್): ಸಾಮಾಜಿಕ ಜಾಲತಾಣವಾದ ಫೇಸ್ ಬುಕ್ ನಲ್ಲಿ ಕುಂಬಾರ ಸಮುದಾಯದ ಬಗ್ಗೆ ನಿಂದನೆ ಮಾಡಿದ ಯುವಕನ ವಿರುದ್ಧ ಬೆಳ್ತಂಗಡಿ ಪೊಲೀಸ್ ಠಾಣೆಗೆ ದೂರು ನೀಡಲಾಗಿದೆ.
`ಯತೀಶ್ ಯಕ್ಷ’ ಎಂಬ ಧರ್ಮಸ್ಥಳ ನಿವಾಸಿ ಯುವಕನೊಬ್ಬ ಪಕ್ಷವೊಂದರ ಕಾರ್ಯವೈಖರಿಯನ್ನು ನಿಂದಿಸುವ ಭರದಲ್ಲಿ ಕುಂಬಾರ ಸಮುದಾಯದ ವೃತ್ತಿಗೆ ಅವಮಾನವಾಗುವ ಗಾದೆ ಮಾತೊಂದನ್ನು ಉಲ್ಲೇಖಿಸಿದ್ದ. ಈ ಬಗ್ಗೆ ಈತನಿಗೆ ಎಚ್ಚರಿಕೆ ನೀಡಿದ್ದರೂ ತನ್ನ ತಪ್ಪನ್ನು ಸಮರ್ಥಿಸಿಕೊಂಡಿದ್ದ. ಇದರಿಂದ ಆಕ್ರೋಶಗೊಂಡ ಬೆಳ್ತಂಗಡಿ ತಾಲೂಕು ಕುಲಾಲ ಕುಂಬಾರರ ಯುವ ವೇದಿಕೆಯ ಸದಸ್ಯರು ತಕ್ಷಣ ಕಾರ್ಯನಿರತರಾಗಿ ಈತನ ವಿರುದ್ಧ ಬೆಳ್ತಂಗಡಿ ಪೊಲೀಸರಿಗೆ ದೂರು ನೀಡಿ ಕ್ರಮ ಕೈಗೊಳ್ಳುವಂತೆ ಮನವಿ ಮಾಡಿದ್ದಾರೆ.
