ಮಂಗಳೂರು(ಸೆ.೧೪,ಕುಲಾಲ್ ವರ್ಲ್ಡ್ ನ್ಯೂಸ್): ಬರಹಗಾರ, ವಾಗ್ಮಿ, ಚಿಂತಕ, ಸಂಘಟಕ ಡಾ. ಎಂ ಅಣ್ಣಯ್ಯ ಕುಲಾಲ್ ಉಳ್ತೂರು ಇವರನ್ನು ಭಾರತೀಯ ವೈದ್ಯಕೀಯ ಸಂಘ ಕರ್ನಾಟಕ ರಾಜ್ಯದ ಕನ್ನಡ ಬರಹಗಾರರ ವೈದ್ಯರ ವಿಭಾಗದ ಮುಖ್ಯರನ್ನಾಗಿ ರಾಜ್ಯ ಘಟಕ ನೇಮಕ ಮಾಡಿದೆ.
ಅಣ್ಣಯ್ಯ ಕುಲಾಲ್ ಅವರು ವೈದ್ಯಕೀಯ ಸಂಘದ ಮುಖವಾಣಿಯಾದ ಫೋಕಸ್ ಪತ್ರಿಕೆಯ ಕಾರ್ಯದರ್ಶಿಯಾಗಿ. ಎಂಎ ರಾಜ್ಯ ಘಟಕದ ಕುಟುಂಬ ವೈದ್ಯರ ವಿಭಾಗದ ಡೀನ್ ಆಗಿ, ಜಿಲ್ಲೆ ರಾಜ್ಯ ಹಾಗು ರಾಷ್ಟ್ರಮಟ್ಟದಲ್ಲಿ ಐಎಂಎಯ ವಿವಿಧ ಜವಾಬ್ದಾರಿಗಳನ್ನ ಯಶಸ್ವಿಯಾಗಿ ನಿಭಾಯಿಸಿದವರು. ಪ್ರಸ್ತುತ ಕರಾವಳಿ ವಿಬಾಗದ ಸಂಚಾಲಕರಾಗಿ, ರಾಷ್ಟ್ರ ಯೋಜನಾ ಆಯೋಗದ ಸ್ಥಾಯಿ ಸಮಿತಿ ಸದಸ್ಯರಾಗಿ ದುಡಿಯುತ್ತಿದ್ದಾರೆ.
