ಮಂಗಳೂರು(ಅ.೧೦, ಕುಲಾಲ್ ವರ್ಲ್ಡ್ ನ್ಯೂಸ್): ಸುರತ್ಕಲ್ ಕುಲಾಲ ಸುಧಾರಕ ಸಂಘದ ಅಧ್ಯಕ್ಷ, ರಿದಮ್ ಸಾಂಸ್ಕೃತಿಕ ವಿಕಾಸ ಕೇಂದ್ರದ ನಿರ್ದೇಶಕ ಸುಧಾಕರ ಕುಲಾಲ್ ಅವರಿಗೆ `ಜೇಸಿ ಕಲಾರತ್ನ ಪ್ರಶಸ್ತಿ-2017′ ಪುರಸ್ಕಾರ ಲಭಿಸಿದೆ.
ತುಳುನಾಡಿನ ವೈಭವವನ್ನು ಬಿಂಬಿಸುವ ಹಲವಾರು ಜಾನಪದ ಹಾಡುಗಳಿಗೆ ಕುಣಿತಗಳನ್ನು ಪರಿಚಯಿಸಿರುವ ಸುಧಾಕರ ಕುಲಾಲ್ ಅವರ ಸಂಸ್ಥೆಯಲ್ಲಿ ಸಾವಿರಾರು ವಿದ್ಯಾರ್ಥಿಗಳು ತರಬೇತಿ ಪಡೆದು ವಿವಿಧ ಪ್ರಶಸ್ತಿಗಳನ್ನು ಪಡೆದಿದ್ದಾರೆ. ತುಳು ಕನ್ನಡ ಹಾಡುಗಾರರೂ, ನೃತ್ಯ ಸಂಯೋಜಕ ಹಾಗೂ ಕಾರ್ಯಕ್ರಮ ನಿರೂಪಕರಾಗಿರುವ ಸುಧಾಕರ ಒಬ್ಬ ಬಹುಮುಖ ಪ್ರತಿಭೆಯುಳ್ಳವರಾಗಿದ್ದಾರೆ. ಇತ್ತೀಚೆಗೆ ಮಡಂತ್ಯಾರಿನಲ್ಲಿ ನಡೆದ ಜೇಸಿ ಸಪ್ತಾಹ `ಆಕಾಶ ದೀಪ’ ಕಾರ್ಯಕ್ರಮದಲ್ಲಿ ಪ್ರಶಸ್ತಿಯನ್ನು ಸ್ವೀಕರಿಸಿದರು.
