ಉಡುಪಿ(ಮಾ.೧೭): ಡಾ. ಜಿ ಶಂಕರ್ ಮಹಿಳಾ ಪ್ರಥಮ ದರ್ಜೆ ಕಾಲೇಜು ಉಡುಪಿ ಮತ್ತು ಪತ್ರಕರ್ತರ ವೇದಿಕೆ(ರಿ)ಬೆಂಗಳೂರು ಇವರ ಜಂಟಿ ಆಶ್ರಯದಲ್ಲಿ ಕೊಡಮಾಡುವ ಉಡುಪಿ ಜಿಲ್ಲಾಮಟ್ಟದ “ಯುವ ಮಾಧ್ಯಮ ರತ್ನ” ಪ್ರಶಸ್ತಿಯನ್ನು ಉದಯೋನ್ಮುಖ ಲೇಖಕ, ಕಥೆಗಾರ, ಮಂಜುನಾಥ್ ಹಿಲಿಯಾಣ ಅವರಿಗೆ ನೀಡಿ ಗೌರವಿಸಲಾಯಿತು.
ಸಂವಹನ ಮತ್ತು ಪತ್ರಿಕೋದ್ಯಮದಲ್ಲಿ ಪದವಿ ಮತ್ತು ಸ್ನಾತಕೋತ್ತರ ಪದವೀಧರರಾಗಿರುವ ಮಂಜುನಾಥ್ ಅವರು ಮಣಿಪಾಲ ವಿಶ್ವವಿದ್ಯಾಲಯದಲ್ಲಿ ಉದ್ಯೋಗಿಯಾಗಿದ್ದಾರೆ. ಕಥಾ ಸಾಹಿತ್ಯ, ನುಡಿಚಿತ್ರ ಬರಹ, ನಿರೂಪಣೆಯಲ್ಲಿ ಗಮನಾರ್ಹ ಸಾಧನೆ ಮಾಡುತ್ತಿದ್ದಾರೆ. ಮಂಜುನಾಥ ಅವರು ಹಲವು ಪ್ರಶಸ್ತಿಗಳನ್ನು ಪಡೆದಿದ್ದಾರೆ.
