ಮಂಗಳೂರು(ಫೆ.೦೨): ಫರಂಗಿಪೇಟೆ ಕುಲಾಲ ಸುಧಾರಕ ಸಂಘದ ೨೪ನೇ ವಾರ್ಷಿಕೋತ್ಸವವು ಮಾರಿಪಳ್ಳ ನಾಣ್ಯ ಕುಲಾಲ ಸಮುದಾಯ ಭವನದಲ್ಲಿ ವಿವಿಧ ಕಾರ್ಯಕ್ರಮಗಳೊಂದಿಗೆ ಇತ್ತೀಚೆಗೆ ಜರುಗಿತು.
ಜಯರಾಮ ಕೋಡಿ ಅವರ ಅಧ್ಯಕ್ಷತೆಯಲ್ಲಿ ನಡೆದ ಸಮಾರಂಭದಲ್ಲಿ ಬಂಟ್ವಾಳ ಕುಲಾಲ ಸಂಘದ ಅಧ್ಯಕ್ಷ ಸತೀಶ್ ಕುಲಾಲ್, ಉಪನ್ಯಾಸಕಿ ಕವಿತಾ ಯಾದವ, ಇಂಜಿನಿಯರ್ ಅರುಣ್ ಕುಲಾಲ್ ಮುಂತಾದವರು ಭಾಗವಹಿಸಿದ್ದರು. ಸಭಾ ಕಾರ್ಯಕ್ರಮದಲ್ಲಿ ಪ್ರಗತಿಪರ ಕೃಷಿಕ ಸೋಮಯ್ಯ ಮೂಲ್ಯ ನಾಣ್ಯ, ಬೈಕ್ ಮೂಲಕ ಹಿಮಾಲಯ ಯಾತ್ರೆ ನಡೆಸಿದ ಅರುಣ್ ಕುಲಾಲ್ ಹಾಗೂ ಪ್ರತಿಭಾನ್ವಿತ ವಿದ್ಯಾರ್ಥಿಗಳಾದ ಪ್ರಜ್ಞಾ ಅಡ್ಯಾರ್, ಚೇತನ್ ಕೊಟ್ಟಿಂಜ, ಸಹನಾ ಪೇರ್ಲಬೈಲ್, ವಿನೀತ್ ರಾಜ್ ಹಾಗೂ ದೀಪ್ತಿ ಅವರನ್ನು ಸನ್ಮಾನಿಸಲಾಯಿತು.
