ಬಂಟ್ವಾಳ(ಜ.೦೩): ಬಿರುವೆರ್ ಕುಡ್ಲ(ರಿ) ಇದರ ಬಂಟ್ವಾಳ ಘಟಕದ ವತಿಯಿಂದ ಅಜ್ಜಿಬೆಟ್ಟು ಕುಲಾಲ ಮಠ ಬಳಿಯ ನಿವಾಸಿ ಕೃಷ್ಣಪ್ಪ ಮೂಲ್ಯ ಅವರ ಕುಟುಂಬಕ್ಕೆ 50 ಕೆಜಿ ಅಕ್ಕಿಯನ್ನು ವಿತರಿಸಲಾಯಿತು.
ಕುಟುಂಬದ ಆಧಾರ‌ಸ್ಥಂಭವಾಗಿದ್ದ ಕೃಷ್ಣಪ್ಪ ಅವರು ಅನಾರೋಗ್ಯದಿಂದ ಬಳಲುತ್ತಿದ್ದು ದುಡಿಯುಲು ಆಗದೆ ಮನೆಯಲ್ಲೇ ಇದ್ದಾರೆ. ಈಗ ಕುಟುಂಬಕ್ಕೆ ದಿನದ ಒಂದೊತ್ತಿನ ಅನ್ನಕ್ಕೂ ಕಷ್ಟ ಪಡುವ ಸ್ಥಿತಿ ಉಂಟಾಗಿದ್ದು ಬಿರುವೆರ್ ಕುಡ್ಲದ ಬಂಟ್ವಾಳ ಘಟಕದ ಯುವಕರು ಈ ಕುಟುಂಬದ ಬಡತನ ಅರಿತು ಅಕ್ಕಿಯನ್ನು ಒದಗಿಸುವ ಮೂಲಕ ಮಾನವೀಯತೆ ಮೆರೆದಿದ್ದಾರೆ.
