ಮಂಗಳೂರು(ಜ.೦೧): ದ.ಕ. ಜಿಲ್ಲಾ ಮೂಲ್ಯರ ಯಾನೆ ಕುಲಾಲರ ಮಾತೃ ಸಂಘದ ವತಿಯಿಂದ ವಿವಿಧ ಕ್ಷೇತ್ರದ ಸಾಧಕರಿಗೆ ಸನ್ಮಾನ ಹಾಗೂ ಅಭಿನಂದನಾ ಕಾರ್ಯಕ್ರಮವು ಜನವರಿ 8, ಆದಿತ್ಯವಾರದಂದು ನಡೆಯಲಿದೆ.
ಶ್ರೀದೇವಿ ದೇವಸ್ಥಾನದ ಬಳಿಯಿರುವ ನಾಸಿಕ್ ಬಿ ಎಚ್ ಬಂಗೇರ ಸಭಾಭವನದಲ್ಲಿ ನಡೆಯಲಿರುವ ಕಾರ್ಯಕ್ರಮದಲ್ಲಿ ದಕ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಭಾಸ್ಕರ ಕುಲಾಲ್ ಬರ್ಕೆ, ರಶ್ಮಿ ಕುಲಾಲ್ ಹಾಗೂ ಪ್ರತಿಭಾನ್ವಿತ ವಿದ್ಯಾಥಿಗಳಿಗೆ ಸನ್ಮಾನ, ಹಿರಿಯ ನಾಗರಿಕರಿಗೆ ಗುರುತಿನ ಚೀಟಿ ವಿತರಣೆ, ಕೆಎಂಸಿಯ ಆರೋಗ್ಯ ಕಾರ್ಡ್ ವಿತರಣೆ ಹಾಗೂ ದೇವಿ ದೇವಸ್ಥಾನದ ಬ್ರಹ್ಮಕಲಶೋತ್ಸವ ಸಮಿತಿಯ ವಿಸರ್ಜನಾ ಸಭೆ ನಡೆಯಲಿದೆ.
ಸಂಘದ ಅಧ್ಯಕ್ಷ ಸುಜೀರ್ ಕುಡುಪು ಸಮಾರಂಭದ ಅಧ್ಯಕ್ಷತೆಯನ್ನು ವಹಿಸಲಿದ್ದಾರೆ. ಅತಿಥಿಗಳಾಗಿ ಶಾಸಕ ಜೆ ಆರ್ ಲೋಬೋ, ತೇಜಸ್ವೀರಾಜ್, ಭಾರತೀ ಶೇಷಪ್ಪ, ಡಾ. ಆನಂದ್ ವೇಣುಗೋಪಾಲ್, ಶ್ರೀಪತಿ ಯು ಎಸ್, ಗಣೇಶ್ ಎಂ , ಮೋಹಿತ್ ಕದ್ರಿ, ಪ್ರಶಾಂತ್ ಕುಲಾಲ್, ಶ್ರೀನಿವಾಸ್ ಕುಲಾಲ್ ಚಾರ್ಮಾಡಿ ಮುಂತಾದ ಗಣ್ಯರು ಭಾಗವಹಿಸಲಿದ್ದಾರೆ.
