ಪುತ್ತೂರು ಕುಲಾಲ ಸಮಾಜ ಸೇವಾ ಸಂಘದಲ್ಲಿ ಸಂಗೀತ ಶಾಲೆ ಉದ್ಘಾಟನೆ

ಪುತ್ತೂರು(ನ.೨೧): ಇಲ್ಲಿನ ಕುಲಾಲ ಸಮಾಜ ಸೇವಾ ಸಂಘದ ಆಶ್ರಯದಲ್ಲಿ ಸಂಘದ ಕಚೇರಿಯಲ್ಲಿ ಸಂಗೀತ ಶಿಕ್ಷಕಿ ಕವಿತಾ ದಿನಕರ್ ಅವರ ಸಂಗೀತ ಪಾಠ ಶಾಲೆ ಇತ್ತೀಚೆಗೆ ಉದ್ಘಾಟನೆಗೊಂಡಿತು.
ಕುಲಾಲ ಮಹಿಳಾ ಘಟಕದ ಅಧ್ಯಕ್ಷೆ ರತ್ನಾ ಕೃಷ್ಣಪ್ಪ ಅವರ ದೀಪ ಬೆಳಗಿಸಿ ಸಂಗೀತ ಶಾಲೆಯನ್ನು ಉದ್ಘಾಟಿಸಿದರು. ವೇದಿಕೆಯಲ್ಲಿ ಸಮಾಜ ಸೇವಾ ಸಂಘದ ಅಧ್ಯಕ್ಷ ದಿನೇಶ್ ಪಿ.ವಿ, ಹಾಗೂ ಕುಂಬಾರರ ಗುಡಿ ಕೈಗಾರಿಕಾ ಸಂಘದ ಅಧ್ಯಕ್ಷ ಭಾಸ್ಕರ ಎಂ. ಪೆರುವಾಯಿ ಉಪಸ್ಥಿತರಿದ್ದರು. ನಿವೃತ್ತ ಉಪ ವಲಯ ಅರಣ್ಯಾಧಿಕಾರಿ ಕೃಷ್ಣಪ್ಪ ಕೆ. ರವರು ಶುಭ ಹಾರೈಸಿದರು. ಸಂಗೀತ ಶಿಕ್ಷಕಿ ಕವಿತಾ ಅವರು ಎಲ್ಲರ ಸಹಕಾರ ಕೋರಿದರು. ತೆರಿಗೆ ಸಲಹೆಗಾರ ಕೃಷ್ಣಾ ಎಂ. ಅಳಿಕೆ ಕಾರ್ಯಕ್ರಮ ನಿರೂಪಿಸಿದರು. ಕುಲಾಲ ಸಂಘದ ಕಾರ್ಯದರ್ಶಿ, ನ್ಯಾಯವಾದಿ ಮಹೇಶ್ ಕೆ. ಸವಣೂರು ವಂದಿಸಿದರು.