ಮರದಿಂದ ಬಿದ್ದು ಕೃಷಿಕ ದಾಮೋದರ ಮೂಲ್ಯ ಮೃತ್ಯು

ಬಂಟ್ವಾಳ : ಸೊಪ್ಪು ಕ‌ಡಿಯಲೆಂದು ಮರವನ್ನು ಹತ್ತಿದ್ದ ಕೃಷಿಕನೋರ್ವರು ಆಕಸ್ಮಿಕವಾಗಿ ಕೆಳಕ್ಕೆ ಬಿದ್ದು ಸಾವನ್ನಪ್ಪಿದ ಘಟನೆ ತಾಲೂಕಿನ ಕಳ್ಳಿಗೆ ಗ್ರಾಮದಲ್ಲಿ ನಡೆದಿದೆ.
ದೇವಂದಬೆಟ್ಟು ನಿವಾಸಿ ದಾಮೋದರ ಮೂಲ್ಯ (50) ಮೃತ ವ್ಯಕ್ತಿ. ತೋಟಕ್ಕೆ ಹಾಕಲೆಂದು ಸೊಪ್ಪು ಕಡಿಯಲು ಮರವನ್ನು ಹತ್ತಿದ್ದ ಅವರು ಆಕಸ್ಮಿಕವಾಗಿ ಕಾಲು ಜಾರಿ ಕೆಳಕ್ಕೆ ಬಿದ್ದು ಸಾವನ್ನಪ್ಪಿದ್ದಾರೆ. ಈ ಬಗ್ಗೆ ಬಂಟ್ವಾಳ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.