ಆಗಸ್ಟ್ 28ರಂದು ಬಂಟ್ವಾಳ ಕುಲಾಲ ಸಂಘದ ವತಿಯಿಂದ `ಜೊತೆ ಜೊತೆಯಲಿ’ ಕುಲಾಲ ಕುಟುಂಬಗಳ ಸಮ್ಮಿಲನ ಕಾರ್ಯಕ್ರಮ

ಬಂಟ್ವಾಳ : ಇಲ್ಲಿನ ಮಯ್ಯರಬೈಲು ಕುಲಾಲ ಸುಧಾರಕ ಸಂಘದ ಕುಲಾಲ ಸೇವಾದಳದ ವತಿಯಿಂದ ಆಗಸ್ಟ್ 28ರಂದು ಕುಲಾಲ ಸಂಘಟನೆಗಾಗಿ ವಿಶಿಷ್ಟ ಕಾರ್ಯಕ್ರಮವನ್ನು ಹಮ್ಮಿಕೊಂಡಿದೆ.
`ಜೊತೆ ಜೊತೆಯಲಿ’ ಎಂಬ ಆಕರ್ಷಕ ಹೆಸರಿನಲ್ಲಿ ಕುಲಾಲ ಸಮುದಾಯದ ಪ್ರಬುದ್ಧ ಯಕ್ಷಗಾನ, ನಾಟಕ ಕಲಾವಿದರ ಕೂಡುವಿಕೆಯೊಂದಿಗೆ ವಯೋವೃದ್ಧರಿಂದ ಹಿಡಿದು ನವ ಯುವಕ, ಯುವತಿಯರು ಮೋಜು, ಮಸ್ತಿಯೊಂದಿಗೆ ವಿವಿಧ ಸ್ಪರ್ಧಾ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ. ಪೊಸಳ್ಳಿಯಲ್ಲಿರುವ ಕುಲಾಲ ಸಮೂದಾಯ ಭವನದಲ್ಲಿ ನಡೆಯಲಿರುವ ಎಲ್ಲಾ ಕಾರ್ಯಕ್ರಮಕ್ಕೂ ಪ್ರಸಿದ್ಧ ಸಿನಿಮಾಗಳ ಹೆಸರನ್ನಿಟ್ಟು ಸ್ಪರ್ಧೆಯನ್ನು ಆಕರ್ಷಕಗೊಳಿಸಲಾಗಿದೆ.
ಯುವ ಪ್ರತಿಭೆಗಳಿಂದ ಯಕ್ಷ ವೈಭವ, ಡ್ಯಾನ್ಸ್ ಧಮಾಕಾ, ಭರತನಾಟ್ಯ ವೈಭವ, ಸಂಗೀತ ಧಾರೆ, ನೃತ್ಯ ವೈಭವವು ನಡೆಯಲಿದ್ದು, ಕಾರ್ಯಕ್ರಮದಲ್ಲಿ ಸಾಂಸ್ಕೃತಿಕ ಕಾರ್ಯಕ್ರಮ ಮಾಡಲಿಚ್ಚಿಸುವವರು ಆಗಸ್ಟ್ 15ರೊಳಗೆ ಹೆಸರು ನೋಂದಾಯಿಸಲು ಕೋರಲಾಗಿದೆ. ಸಂಪರ್ಕ ಸಂಖ್ಯೆ : 9844276869