ಮುಂಬಯಿ : ಕುಂದಾಪುರದಿಂದ ಮುಂಬಯಿಗೆ ಮಗನ ಮನೆಗೆ ತೆರಳಿ ಕಾಣೆಯಾದ ಕುಂದಾಪುರದ ಪೇತ್ರಿ ನಿವಾಸಿ ಶೀನ ಕುಲಾಲ್ (೫೮) ಪತ್ತೆಯಾಗಿದ್ದಾರೆ. ಪ್ರಸಿದ್ಧ ಹೋಟೆಲ್ `ಸಯನ್ ಲಂಚ್ ಹೋಮ್’ ಬಳಿ ಅಡ್ಡಾಡುತ್ತಿದ್ದ ಇವರನ್ನು ಪಾನ್ ಬೀಡಾ ಅಂಗಡಿಯ ವ್ಯಕ್ತಿಯೊಬ್ಬರು ಗುರುತಿಸಿ ಮನೆಯವರಿಗೊಪ್ಪಿಸಿದ್ದಾರೆ. .
ಶೀನ ಕುಲಾಲ್ ಅವರು ಜುಲೈ ೨ರಂದು ಕುಂದಾಪುರದ ಪೇತ್ರಿಯಿಂದ ಮುಂಬಯಿಯಲ್ಲಿರುವ ತಮ್ಮ ಮಗ, ಸಯನ್ ಕೋಲಿವಾಡದ ಮಹಾಲಕ್ಷ್ಮೀ ಜ್ಯೂಸ್ ಸೆಂಟರಿನ ಸಂತೋಷ ಕುಲಾಲ್ ಅವರ ಮನೆಗೆಂದು ಆಗಮಿಸಿದ್ದರು. ಜುಲೈ ೬ರಂದು ಮನೆ ಹೊರಹೋಗಿದ್ದ ಅವರು ದಾರಿ ತಪ್ಪಿ ಕಾಣೆಯಾಗಿದ್ದರು. ಅನೇಕ ಕಡೆ ಹುಡುಕಿ ವಿಫಲರಾದ ಮನೆಯವರು ಪೊಲೀಸರಿಗೆ ಕಾಣೆಯಾದ ಬಗ್ಗೆ ದೂರು ನೀಡಿದ್ದರು. ಈ ಬಗ್ಗೆ ಸ್ಥಳೀಯ ಪತ್ರಿಕೆಯಲ್ಲಿ ವರದಿ ಪ್ರಕಟವಾಗಿತ್ತು. ಇದನ್ನು ಓದಿದ ಪಾನ್ ಬೀಡಾ ಅಂಗಡಿಯ ಮಹಾಬಲ ಪೂಜಾರಿ ಎಂಬವರು ಜುಲೈ ೧೩ರಂದು ಶೀನ ಕುಲಾಲ್ ಅವರನ್ನು ಗುರುತಿಸಿ ಸಂತೋಷ ಕುಲಾಲ್ ಅವರಿಗೆ ಕರೆ ಮಾಡಿದ್ದು, ಕೂಡಲೇ ಸ್ಥಳಕ್ಕಾಗಮಿಸಿದ ಅವರು ತನ್ನ ತಂದೆಯನ್ನು ಕರೆದೊಯ್ದರು.
Saturday, November 2
