ಮಂಗಳೂರು(ಕುಲಾಲ್ ವರ್ಲ್ಡ್ ಡಾಟ್ ಕಾಂ) : ಚಲಿಸುತ್ತಿದ್ದ ರೈಲಿಗೆ ಹತ್ತುವಾಗ ಆಕಸ್ಮಿಕವಾಗಿ ಕಾಲು ಜಾರಿ ಬೀಳುತ್ತಿದ್ದ ವಿದ್ಯಾರ್ಥಿನಿಯನ್ನು ಸಿನಿಮೀಯ ರೀತಿಯಲ್ಲಿ ವಿದ್ಯಾರ್ಥಿಯೋರ್ವ ರಕ್ಷಿಸಿದ ಅಪರೂಪದ ಘಟನೆ ಮಂಗಳೂರು ಸೆಂಟ್ರಲ್‌ ರೈಲು ನಿಲ್ದಾಣದಲ್ಲಿ ಗುರುವಾರ ಸಂಭವಿಸಿದೆ.
ಘಟನೆ ವಿವರ :
ವಿದ್ಯಾರ್ಥಿನಿಯೊರ್ವಳು ರೈಲು ಚಲಿಸುತ್ತಿದ್ದ ವೇಳೆ ಹತ್ತಲು ಪ್ರಯತ್ನ ಪಟ್ಟಿದ್ದಾರೆ. ಎರಡೂ ಕಾಲನ್ನು ಏಕಕಾಲದಲ್ಲಿ ರೈಲಿನ ಮೆಟ್ಟಿಲಿನಲ್ಲಿ ಇಟ್ಟಾಗ ಆಯತಪ್ಪಿ ಆಕೆ ರೈಲ್ವೇ ಟ್ರ್ಯಾಕ್ ಭಾಗಕ್ಕೆ ಬಿದ್ದಳು. ತತ್‌ಕ್ಷಣವೇ ಸಮಯ ಪ್ರಜ್ಞೆ ಮೆರೆದ ಹತ್ತಿರದಲ್ಲಿದ್ದ ವಿದ್ಯಾರ್ಥಿ ಮಂಜೇಶ್ವರದ ಮನೀಷ್ ಕುಲಾಲ್ ಸಿನಿಮೀಯ ರೀತಿಯಲ್ಲೇ ಆಕೆಯನ್ನು ಅಪಾಯದಿಂದ ಪಾರುಮಾಡಿದ್ದಾನೆ. ಸಮಯ ಪ್ರಜ್ಞೆ ಮೆರೆದು ದೊಡ್ಡ ದುರಂತವನ್ನು ತಪ್ಪಿಸಿದ ಮನೀಷ್ ಕಾರ್ಯಕ್ಕೆ ರೈಲ್ವೇ ಇಲಾಖೆ ಸೇರಿದಂತೆ ಸ್ಥಳದಲ್ಲಿದ್ದ ಸಾರ್ವಜನಿಕರು ಶ್ಲಾಘಿಸಿದ್ದಾರೆ. ಮಂಜೇಶ್ವರ ಬಡಾಜೆ ಎಂಬಲ್ಲಿಯ ಕೃಷ್ಣ ಮೂಲ್ಯರ ಪುತ್ರನಾದ ಮನೀಷ್ ಮಂಗಳೂರು ಕಾರ್ ಸ್ಟ್ರೀಟ್ ಸರಕಾರಿ ಕಾಲೇಜಿನ ಪಿಯುಸಿ ವಿದ್ಯಾರ್ಥಿಯಾಗಿದ್ದಾನೆ.
