ಮಂಗಳೂರು(ಕುಲಾಲ್ ವರ್ಲ್ಡ್ ಡಾಟ್ ಕಾಮ್): ಕುಲಾಲ-ಕುಂಬಾರರ ಯುವ ವೇದಿಕೆ ಉಳ್ಳಾಲ ವಲಯ ಇದರ ಸಾಮಾನ್ಯ ಸಭೆಯು ದಿನಾಂಕ ಜುಲೈ 25ರಂದು ಅಪರಾಹ್ನ 3-30ಕ್ಕೆ ಮುಡಿಪು ಭಾರತೀ ಹಿರಿಯ ಪ್ರಾಥಮಿಕ ಶಾಲೆಯ ಸಭಾಂಗಣದಲ್ಲಿ ಶ್ರೀ ಕೃಷ್ಣ ಮೂಲ್ಯ ಆನೆಗುಂಡಿ ಇವರ ಅಧ್ಯಕ್ಷತೆಯಲ್ಲಿ ಜಿಲ್ಲಾ ಯುವವೇದಿಕೆಯ ಅಧ್ಯಕ್ಷರಾದ ಶ್ರೀ ಸುಕುಮಾರ್ ರವರ ಉಪಸ್ಥಿತಿಯಲ್ಲಿ ನಡೆಯಿತು.
ಸಭೆಯಲ್ಲಿ ಗಣ್ಯ ಅತಿಥಿಗಳು ಮತ್ತು ಮುಡಿಪು ಕುಲಾಲ ಸಂಘದ ಪದಾಧಿಕಾರಗಳು, ಸದಸ್ಯರು, ಯುವ ವೇದಿಕೆಯ ಪದಾಧಿಕಾರಿಗಳು ಸದಸ್ಯರು, ಹರೇಕಳ ಗ್ರಾಮ ಸಮಿತಿಯ ಸದಸ್ಯರು, ಬೋಳಿಯಾರು ಗ್ರಾಮಸಮಿತಿಯ ಸದಸ್ಯರು ಹಾಜರಿದ್ದರು. ಸಭೆಯ ನಂತರ ಬಹಳ ಕಷ್ಟದ ಪರಿಸ್ಥಿತಿಯಲ್ಲಿ ಜೀವನ ಸಾಗಿಸುತ್ತಿರುವ ಮೂವರು ಅವಿವಾಹಿತ ಮಹಿಳೆಯರಾದ ಪದ್ಮಾವತಿ, ಲೀಲಾವತಿ ಹಾಗೂ ಭವಾನಿಯವರ ಶಿಥಿಲ ಸ್ಥಿತಿಯಲ್ಲಿರುವ ಮನೆಗೆ ಸುಂದರ ಕುಲಾಲ್ ರವರ ನೇತೃತ್ವದಲ್ಲಿ ಭೇಟಿ ನೀಡಿ ಪರಿಸ್ಥಿತಿಯ ಅವಲೋಕಿಸಿ ನೆರವು ನೀಡುವ ಕುರಿತು ಚರ್ಚಿಸಲಾಯಿತು.
