ಕಿನ್ನಿಗೋಳಿ(ಡಿ.೧೩, ಕುಲಾಲ್ ವರ್ಲ್ಡ್ ಡಾಟ್ ಕಾಮ್) ರಸ್ತೆ ಅಪಘಾತದಲ್ಲಿ ತೀವ್ರ ಗಾಯಗೊಂಡು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಕಿನ್ನಿಗೋಳಿ ಸಮೀಪದ ಉಲ್ಲಂಜೆ ಗ್ರಾಮದ ಉಮಾನಾಥ ಮೂಲ್ಯ ಅವರಿಗೆ ಕುಲಾಲ ಜವನೆರ್ ತೋಕೂರು ಬಳಗದ ವತಿಯಿಂದ ಧನ ಸಹಾಯ ನೀಡಲಾಯಿತು.
ಉಲ್ಲಂಜೆ ಗ್ರಾಮದ ಬಡ ಕುಟುಂಬವಾದ ಜಗನ್ನಾಥ ಮೂಲ್ಯ ಮತ್ತು ಪ್ರೇಮ ಎಂಬ ದಂಪತಿಗಳ ಒಬ್ಬನೇ ಮಗ ಉಮನಾಥ ಮೂಲ್ಯ ಬೈಕ್ ರಿಕ್ಷಾ ಅಪಘಾತದಲ್ಲಿ ಗಂಭೀರ ಗಾಯಗೊಂಡಿದ್ದು, ಸುಮಾರು ಹತ್ತು ದಿನದ ಯಶಸ್ವಿ ಚಿಕಿತ್ಸೆಯ ಮೂಲಕ ಅವರನ್ನು ಉಳಿಸಿಕೊಳ್ಳುವಲ್ಲಿ ಆಸ್ಪತ್ರೆಯ ವೈದ್ಯರು ಯಶಸ್ವಿಯಾಗಿದ್ದರು. ಅವರ ಚಿಕಿತ್ಸೆಗಾಗಿ ಸುಮಾರು ಮೂರು ಲಕ್ಷ ರೂ. ಖರ್ಚಾಗಿದ್ದು, ಹಣಕಾಸಿನ ತೊಂದರೆಯಲ್ಲಿದ್ದರು. ಕೂಲಿ ನಾಲಿ ಮಾಡಿ ಬದುಕಿನ ಬುತ್ತಿ ತುಂಬಿಸಿಕೊಳ್ಳುತ್ತಿರುವ ಈ ಬಡ ಕುಟುಂಬಕ್ಕೆ ಕುಲಾಲ ಜವನೆರ್ ತೋಕೂರು ಬಳಗದ ವತಿಯಿಂದ 15,900ರೂ. ನೆರವು ನೀಡಲಾಯಿತು.
