ದುಬೈ(ಕುಲಾಲ್ ವರ್ಲ್ಡ್ ಡಾಟ್ ಕಾಮ್) : ಕುಲಾಲ ಸಮಾಜದ ಪ್ರಮುಖರೂ, ಬೆಂಗಳೂರಿನ ಕೈಗಾರಿಕೊದ್ಯಮಿಯೂ ಆಗಿರುವ ಜೆ. ಆರ್. ಬಂಗೇರ ಅವರಿಗೆ ಯುರೋಪಿಯನ್ ಯೂನಿವರ್ಸಿಟಿಯಿಂದ ಗೌರವ ಡಾಕ್ಟರೇಟ್ ಲಭಿಸಿದೆ.
ದುಬಾಯಿಯ ಜುಮೈರಾದ ಬುರ್ಜ್ ಅಲ್ ಅರಬ್ ಸಮೀಪದ ಅರಮನೆಯಲ್ಲಿ ಅಮೆರಿಕಾದ ಬ್ರೈನ್ ಇಕೇರ್ ಅವರು ಡಾಕ್ಟರೇಟ್ ಪ್ರಶಸ್ತಿ ಪ್ರಧಾನ ಮಾಡಿದರು. ಈ ಸಂದರ್ಭದಲ್ಲಿ ಸೆನೆಗಲ್ ಅಂಬಾಸಿಡರ್ ಹೆಚ್.ಇ ಇಬ್ರಾಹಿಂ, ಹಾಗೂ ದುಬೈನ ಅಮೀರ್ ಉಪಸ್ಥಿತರಿದ್ದರು. ಅಲ್ಲದೆ ಮಂಗಳೂರು ಉತ್ತರ ವಿಧಾನ ಸಭಾ ಕ್ಷೇತ್ರದ ಮಾಜಿ ಶಾಸಕರಾದ ಮೊಯಿದೀನ್ ಬಾವಾ ಅವರಿಗೂ ಇದೇ ಸಂದರ್ಭದಲ್ಲಿ ಸಮಾಜ ಹಾಗೂ ಮಾನವೀಯತೆ ಸೇವೆಗಾಗಿ ಪ್ರಶಸ್ತಿ ಪ್ರದಾನ ಮಾಡಲಾಯಿತು.
