ಬೆಳ್ತಂಗಡಿ(ಕುಲಾಲ್ ವರ್ಲ್ಡ್ ಡಾಟ್ ಕಾಮ್): ಉಜಿರೆ ಎಸ್‌ಡಿಎಂ ಸ್ನಾತಕೋತ್ತರ ಕೇಂದ್ರದ ವಾಣಿಜ್ಯಶಾಸ್ತ್ರ ವಿಭಾಗದ ಸಹಾಯಕ ಪ್ರಾಧ್ಯಾಪಕ ಚಿದಾನಂದ ಎಚ್.ಎಲ್. ಅವರಿಗೆ ತುಮಕೂರು ವಿಶ್ವವಿದ್ಯಾಲಯವು ಡಾಕ್ಟರೇಟ್ ಪದವಿ ನೀಡಿ ಗೌರವಿಸಿದೆ.
ಚಿದಾನಂದ ಅವರು `ಟ್ರಾನ್ಸ್‌ಫರ್ ಆಫ್ ಟ್ರೈನಿಂಗ್ ಇನ್ ಸೆಲೆಕ್ಟೆಡ್ ಮೈಕ್ರೋಫೈನಾನ್ಸ್ ಇನ್‌ಸ್ಟಿಟ್ಯೂಶನ್ ಇನ್ ಕರ್ನಾಟಕ ಎಂಪಿರಿಯಲ್ ಸ್ಟಡಿ’ ಎಂಬ ಶಿರ್ಷಿಕೆಯಡಿ ಡಾ| ಪಿ.ಎನ್. ಉದಯಚಂದ್ರ ಮಾರ್ಗದರ್ಶನದಲ್ಲಿ ವಿಶ್ವವಿದ್ಯಾಲಯಕ್ಕೆ ಮಹಾಪ್ರಬಂಧ ಸಲ್ಲಿಸಿದ್ದರು. ಇದನ್ನು ಪರಿಗಣಿಸಿದ ವಿಶ್ವವಿದ್ಯಾಲಯವು ಪಿಎಚ್‌ಡಿ ಪದವಿ ನೀಡಿ ಗೌರವಿಸಿದೆ. ಚಿದಾನಂದ ಅವರು ಬಜಿರೆ ಗ್ರಾಮದ ಮಿಯಲಾಜೆ ಲಕ್ಷ್ಮೀನಿವಾಸ ನಿವಾಸಿ ನವೋದಯ ಸಹಕಾರಿ ಸಂಘದ ನಿವೃತ್ತ ಮೆನೇಜರ್ ಲಿಂಗಪ್ಪ ಮೂಲ್ಯ ಮತ್ತು ಲಕ್ಷ್ಮೀ ದಂಪತಿಯ ಪುತ್ರರಾಗಿದ್ದಾರೆ.
– ಪದ್ಮನಾಭ ಕುಲಾಲ್ ವೇಣೂರು
