ಮುಂಬಯಿ(ಕುಲಾಲ್ ವರ್ಲ್ಡ್ ಡಾಟ್ ಕಾಮ್): ದುಬೈ-ಯುಎಇ ಸೌಲ್ ಆಂಡ್ ಬೀಟ್ಸ್ ಡಾನ್ಸ್ ಕ್ರ್ಯು ಇವರ ವತಿಯಿಂದ ಇತ್ತೀಚೆಗೆ ನಡೆದ `ಡಾನ್ಸ್ ಅರೇನಾ 2020′ ಆನ್ ಲೈನ್ ನೃತ್ಯ ಸ್ಪರ್ಧೆಯಲ್ಲಿ ಮುಂಬಯಿಯ ಸಂಗೀತಾ ಕುಕ್ಯಾನ್ ಅವರು ತಾಯಂದಿರ ವಿಭಾಗದಲ್ಲಿ ದ್ವಿತೀಯ ರನ್ನರ್ ಅಪ್ ಪ್ರಶಸ್ತಿ ಗೆದ್ದಿದ್ದಾರೆ.
ವಿವಿಧ ವಿಭಾಗದಲ್ಲಿ ನಡೆದ ಈ ವರ್ಚುವಲ್ ನೃತ್ಯ ಸ್ಪರ್ಧೆಯಲ್ಲಿ ವಿಶ್ವದಾದ್ಯಂತ ಹಲವಾರು ಸ್ಪರ್ಧಿಗಳು ಭಾಗವಹಿಸಿದ್ದು, ತೀರ್ಪುಗಾರರ ಮೆಚ್ಚುಗೆ ಗಳಿಸಿರುವ ಸಂಗೀತಾ ಅವರು ದ್ವಿತೀಯ ರನ್ನರ್ ಅಪ್ ಗೆಲ್ಲುವಲ್ಲಿ ಸಫಲರಾದರು. ಪ್ರಶಸ್ತಿಯು ಟ್ರೋಫಿ, ಸರ್ಟಿಫಿಕೇಟ್ ಜತೆಗೆ ನಗದು ಬಹುಮಾನವನ್ನು ಒಳಗೊಂಡಿದೆ. ಪ್ರದೀಪ್ ಕುಕ್ಯಾನ್ ಅವರ ಪತ್ನಿಯಾಗಿರುವ ಸಂಗೀತಾ ಕುಕ್ಯಾನ್ ಅವರು ಮೂಲತಃ ಮಂಗಳೂರಿನ ಕಿನ್ನಿಗೋಳಿಯವರು. ಬ್ಯಾಂಕ್ ಉದ್ಯೋಗಿಯಾಗಿರುವ ಅವರು ಪ್ರಸ್ತುತ ಮುಂಬಯಿಯ ಮುಲುಂದ್ ನಲ್ಲಿ ನೆಲೆಸಿದ್ದಾರೆ.
