ಬಂಟ್ವಾಳ(ಕುಲಾಲ್ ವರ್ಲ್ಡ್ ಡಾಟ್ ಕಾಮ್) : ಪ್ರಸಿದ್ದ ಹಿರಿಯ ಕಲಾವಿದ , ನಾಟಕ ರಚನೆಕಾರ ಬಂಟ್ವಾಳ ತಾಲೂಕಿನ ಕಳ್ಳಿಗೆ ಗ್ರಾಮ ಪಂಚಾಯತ್ ವ್ಯಾಪ್ತಿಯ ದರಿಬಾಗಿಲು ಬದ್ಯಾರು ನಿವಾಸಿ ಗಿರಿಯಪ್ಪ ಕುಲಾಲ್ ಬದ್ಯಾರು (58). ಹೃದಯಾಘಾತದಿಂದ ಸ್ವಗೃಹದಲ್ಲಿ ನಿಧನರಾಗಿದ್ದಾರೆ.
ಬಿ.ಸಿ ರೋಡಿನ ಗಾಣದಪಡ್ಪು ಎಂಬಲ್ಲಿ ಕಾಂತಿ ಆರ್ಟ್ಸ್ ಎಂಬ ಹೆಸರಿನ ಸಂಸ್ಥೆಯ ಮೂಲಕ ಬ್ಯಾನರ್ ಸಹಿತ ಅನೇಕ ರೀತಿಯ ಕಲೆಗೆ ಸಂಬಂಧಿಸಿದ ಕೆಲಸ ಕಾರ್ಯಗಳನ್ನು ನಡೆಸುತ್ತಿದ್ದರು. ಗಿರಿಯಪ್ಪ ಬದ್ಯಾರು ಅವರ ಹೆಸರು ನಾಟಕರಂಗದಲ್ಲಿ ಪ್ರಸಿದ್ಧಿ ಪಡೆದಿವೆ. ಇವರು ಸುಮಾರು 60ಕ್ಕೂ ಅಧಿಕ ತುಳು ಸಾಮಾಜಿಕ, ಹಾಸ್ಯ ಹಾಗೂ ಪೌರಾಣಿಕ ನಾಟಕಗಳನ್ನು ರಚಿಸಿದ್ದಾರೆ. ಧರ್ಮಛತ್ರ ಪೌರಾಣಿಕ ನಾಟಕ ಹಲವು ಪ್ರಶಸ್ತಿ ಗಳನ್ನು ಪಡೆದ ನಾಟಕವಾಗಿದೆ. ಜೊತೆಗೆ ಸತ್ಯ ಓಲುಂಡು, ಕಾಳಿಂಗ, ಸತ್ಯ ಹರಿಶ್ಚಂದ್ರ ನಾಟಕಗಳು ಪ್ರಸಿದ್ದಿ ಪಡೆದ ನಾಟಕಗಳು.
