ಬೆಂಗಳೂರು(ಕುಲಾಲ್ ವರ್ಲ್ಡ್ ಡಾಟ್ ಕಾಮ್): ಚನ್ನಪಟ್ಟಣದ ಸಂದೇಶ್ ಕುಂಬಾರ ಅವರು ಈ ಬಾರಿಯ ಕನ್ನಡ ಸಾಹಿತ್ಯ ಪರಿಷತ್ ನಿಂದ ನೀಡಲಾಗುವ ಯುವ ಕವಿ ಪ್ರಶಸ್ತಿ ಪಡೆದಿದ್ದಾರೆ. ಇತ್ತೀಚೆಗೆ ಚಾಮರಾಜಪೇಟೆ ಕನ್ನಡ ಸಾಹಿತ್ಯ ಪರಿಷತ್ತಿನಲ್ಲಿ ನಡೆದ ಸಮಾರಂಭದಲ್ಲಿ ಈ ಪ್ರಶಸ್ತಿ ಪ್ರದಾನ ಮಾಡಲಾಯಿತು.
ಒಂದು ಸಣ್ಣ ಟೀ ಅಂಗಡಿ ನಡೆಸುತ್ತಿರುವ ಸಂದೇಶ್ ಕುಂಬಾರ್ ಸಾಹಿತ್ಯ ಕೃಷಿಯಲ್ಲಿ ತನ್ನದೆ ವಿಶೇಷ ವೈಶಿಷ್ಟ್ಯ ಶೈಲಿಯಿಂದ ಹೊಸ ಭರವಸೆಯ ಛಾಪಿನೊಂದಿಗೆ ಕನ್ನಡದ ಕಂದ, ನನ್ನ ಪ್ರೀತಿಯ ಸಾವು, ಚಪ್ಪರ, ಹೂ ಗನಸು ಎಂಬ ಕವನ ಸಂಕಲನಗಳನ್ನು ಹೊರತಂದಿದ್ದಾರೆ. ಕನ್ನಡ ನಾಡು ನುಡಿ ಬಗ್ಗೆ ಅಪಾರ ಅಭಿಮಾನ ಹಾಗೂ ಅದಮ್ಯವಾದ ಕನ್ನಡ ಸಾಹಿತ್ಯ ಒಲವು ಹೊಂದಿರುವ ಸಂದೇಶ್ ಅವರು ಈ ಹಿಂದೆ ಕುವೆಂಪು ಯುವ ಕವಿ ಪ್ರಶಸ್ತಿ, ಗುಣಸಾಗರಿ ನಾಗರಾಜ್ ದತ್ತಿ ಪ್ರಶಸ್ತಿ ಹಾಗೂ ಕುವೆಂಪು ರತ್ನ ಪ್ರಶಸ್ತಿ ಪಡೆದಿದ್ದಾರೆ.
