ಮಂಗಳೂರು(ಕುಲಾಲ್ ವರ್ಲ್ಡ್ ಡಾಟ್ ಕಾಮ್): ಇತ್ತೀಚಿನ ದಿನಗಳಲ್ಲಿ ಕೆಲವು ಮದುವೆ ಸಮಾರಂಭದ ವೀಡಿಯೊಗಳು ಒಂದಿಲ್ಲೊಂದು ವಿಶೇಷ ಕಾರಣಕ್ಕೆ ಸಾಮಾಜಿಕ ತಾಣಗಳಲ್ಲಿ ವೈರಲ್ ಆಗುತ್ತಿವೆ. ಅದರಲ್ಲಿ ಕಿನ್ನಿಗೋಳಿ ಏಳಿಂಜೆಯ ಸಾಮಾಜಿಕ ಕಾರ್ಯಕರ್ತ, ಕುಲಾಲ ಸಮುದಾಯದ ನಿತೇಶ್ ಕುಕ್ಯಾನ್ ಅವರ ವಿವಾಹ ವೀಡಿಯೋ ಕೂಡಾ ಒಂದು.
`ಕುಲಾಲ್ ವರ್ಲ್ಡ್’ ನ ಸಕ್ರಿಯ ಸದಸ್ಯರಾಗಿರುವ ನಿತೇಶ್ ಅವರ ವಿವಾಹವು ಮೇ-22, 2017ರಂದು ಕಟೀಲಿನ ಸಾನಿಧ್ಯ ಹಾಲ್ ನಲ್ಲಿ ಮಹಾರಾಷ್ಟ್ರ ಸಾಂಗ್ಲಿಯ ಪೂರ್ಣಿಮಾ ಅವರ ಜೊತೆ ನಡೆದಿತ್ತು. ಅಂದು ವಧು-ವರರು ಹಾರ ಬದಲಾಯಿಸುತ್ತಿರುವ ಸಂದರ್ಭ ವೀಡಿಯೋಗ್ರಾಫರ್ ಅರುಣ್ ಉಳ್ಳoಜೆ ಅವರ ಕೆಮೆರಾದಲ್ಲಿ ಸೆರೆಯಾದ ದೃಶ್ಯವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಫೇಮಸ್ ಆಗಿದೆ. ವಾಟ್ಸಪ್ -ಫೇಸ್ ಬುಕ್ ನಲ್ಲಿ ಸಕ್ಕತ್ ವೈರಲ್ ಆಗಿರುವ ಈ ವೀಡಿಯೋವನ್ನು ಲಕ್ಷಾಂತರ ಮಂದಿ ವೀಕ್ಷಿಸಿದ್ದಾರೆ.ನಿತೇಶ್ ಅವರ ಸ್ನೇಹಿತ ಸುಜಿತ್ ಚಿಗುರುಪಾದೆ ತಮ್ಮ ಫೇಸ್ ಬುಕ್ ನಲ್ಲಿ ಶೇರ್ ಮಾಡಿರುವ ಈ ವೀಡಿಯೊವನ್ನು ಇದುವರೆಗೆ 11,20,317 ಮಂದಿ ವೀಕ್ಷಿಸಿದ್ದಾರೆ. ಇನ್ನು ಹಲವರು ಇದನ್ನು ಡೌನ್ ಲೋಡ್ ಮಾಡಿಕೊಂಡು ವಿವಿಧ ಗ್ರೂಪ್ ಗಳಲ್ಲಿ ಶೇರ್ ಮಾಡಿದ್ದಾರೆ.. ಅಂಥದ್ದೇನಿದೆ ಈ ವೀಡಿಯೋದಲ್ಲಿ ?? ನೀವೂ ಒಮ್ಮೆ ವೀಕ್ಷಿಸಿ..
