ಬೆಳ್ಮಣ್(ಕುಲಾಲ್ ವರ್ಲ್ಡ್ ಡಾಟ್ ಕಾಮ್): ಕಿನ್ನಿಗೋಳಿ ಸಮೀಪದ ಸಂಕಲಕರಿಯದ ಬಳಿ ವಾಹನ ನಿಯಂತ್ರಣ ತಪ್ಪಿ ನದಿಗೆ ಉರುಳಿದ ಸಂದರ್ಭ ತಮ್ಮ ಪ್ರಾಣ ಲೆಕ್ಕಿಸದೇ ನದಿಗೆ ಹಾರಿ ಪ್ರಯಾಣಿಕರ ಪ್ರಾಣ ಉಳಿಸಿದ ಗುಣಪಾಲ್ ಮೂಲ್ಯ ಮತ್ತು ಅಶೋಕ್ ಕುಲಾಲ್ ಇವರನ್ನು ಕುಲಾಲ ಸಂಘ (ರಿ)ನಾನಿಲ್ತಾರ್, ಮುಲ್ಲಡ್ಕ, ಮುಂಡ್ಕೂರು ವತಿಯಿಂದ ಸಂಘದ ಸಮುದಾಯ ಭವನದಲ್ಲಿ ಸನ್ಮಾನಿಸಿ ಗೌರವಿಸಲಾಯಿತು.
ಈ ಸಂದರ್ಭದಲ್ಲಿ ಸಂಘದ ಅಧ್ಯಕ್ಷರು ಕುಶ.ಆರ್.ಮೂಲ್ಯ, ಕುಲಾಲ ಸಂಘ ಮುಂಬಯಿ- ಚರ್ಚ್ ಗೇಟ್ ದಹಿಸರ್ ಸಮಿತಿ ಸಹ ಕಾರ್ಯದರ್ಶಿ ಸುಕುಮಾರ್ ಎಸ್ ಸಾಲ್ಯಾನ್, ಮಹಿಳಾ ವಿಭಾಗದ ಅಧ್ಯಕ್ಷರಾದ ಶ್ರೀಮತಿ ಆಶಾ ವರದರಾಜ್, ಕುಲಾಲ ಯುವ ವೇದಿಕೆ ಅಧ್ಯಕ್ಷರಾದ ದೀಪಕ್ ಕುಲಾಲ್, ಶಿವ ಕುಲಾಲ್, ರಶ್ಮಿ ಮೂಲ್ಯ ಬೆಳ್ಮಣ್, ಆನಂದ್ ಸಾಲ್ಯಾನ್, ಕರುಣಾಕರ್ ಬಂಗೇರ, ಶ್ರೀಧರ್ ಮೂಲ್ಯ, ಉದಯ್ ಸಾಲ್ಯಾನ್ ಮೊದಲಾದವರು ಉಪಸ್ಥಿತರಿದ್ದರು.
