ಮುಂಬಯಿ(ಕುಲಾಲ್ ವರ್ಲ್ಡ್ ಡಾಟ್ ಕಾಮ್) : ಮಿಸ್ ಇಂಡಿಯಾ ಕರ್ವಿ-2019 ಸೌಂದರ್ಯ ಸ್ಪರ್ಧೆಯಲ್ಲಿ ಭಾಗವಹಿಸಿರುವ ಮುಂಬಯಿಯ ಸಂಗೀತಾ ಕುಕ್ಯಾನ್ (ಮೂಲ್ಯ) ಅವರು `ಮಿಸ್ ಟಾಲೆಂಟೆಡ್’ ಟೈಟಲ್ ಗೆದ್ದಿದ್ದಾರೆ.
ಕರ್ವಿ ದೇಹ ರಚನೆಯ ಮಹಿಳೆಯರಿಗಾಗಿ ನಡೆಸುವ Ms India Curvy ಸ್ಪರ್ಧೆಯಲ್ಲಿ ಸಾವಿರಾರು ಸ್ಪರ್ಧಿಗಳು ಭಾಗವಹಿಸಿದ್ದು, ಮುಂಬೈ ಆಡಿಷನ್ ನಲ್ಲಿ ಅಂತಿಮ ಸುತ್ತಿಗೆ ಆಯ್ಕೆಯಾದ ಸಂಗೀತಾ ಅವರು ಮಿಸ್ ಟಾಲೆಂಟೆಡ್ ಆಗಿ ಹೊರಹೊಮ್ಮಿದ್ದಾರೆ.
ದಪ್ಪ ದೇಹ ರಚನೆಯ ಮಹಿಳೆಯರ ಆತ್ಮವಿಶ್ವಾಸ ಹೆಚ್ಚಿಸುವ ಸಲುವಾಗಿ ಬರ್ಕಾ ನಂಗಿಯಾ ಎಂಬ ಮಹಿಳಾ ಉದ್ಯಮಿ ಹಾಗೂ ರೂಪದರ್ಶಿಯೊಬ್ಬರು ಪ್ರತಿವರ್ಷ ನಡೆಸುವ ಸೌಂದರ್ಯ ಸ್ಪರ್ಧೆ ಇದಾಗಿದ್ದು, ದೇಶದ ನಾನಾ ಭಾಗದ ಮಹಿಳೆಯರು ಈ ಸ್ಪರ್ಧೆಯಲ್ಲಿ ಭಾಗವಹಿಸುತ್ತಾರೆ. ಸಂಗೀತಾ ಕುಕ್ಯಾನ್ ಅವರು ಮುಂಬಯಿಯ ಕಲ್ಯಾಣ್ ನಿವಾಸಿ ಸಾಧು ಮೂಲ್ಯ ಮತ್ತು ಕಲ್ಯಾಣಿ ದಂಪತಿಗಳ ಸುಪುತ್ರಿಯಾಗಿದ್ದು, ಐಸಿಐಸಿಐ ಬ್ಯಾಂಕ್ ನ ಉದ್ಯೋಗಿ.
