ಮಂಗಳೂರು(ಕುಲಾಲ್ ವರ್ಲ್ಡ್ ಡಾಟ್ ಕಾಮ್): ದ.ಕ ಜಿಲ್ಲಾ ಮೂಲ್ಯರ ಯಾನೆ ಕುಲಾಲರ ಸಂಘದ 92ನೇ ವರ್ಷದ ವಾರ್ಷಿಕೋತ್ಸವ ಹಾಗೂ ಸಾಧಕರಿಗೆ ಸನ್ಮಾನ ಸಮಾರಂಭ ಡಿ.30ರಂದು ನಡೆಯಿತು.
ಮಾತೃ ಸಂಘದ ಅಧ್ಯಕ್ಷ ರಾದ ಸುಜೀರ್ ಕುಡುಪು, ಡಾ ಅಣ್ಣಯ್ಯ ಕುಲಾಲ್ , ರಾಜೇಂದ್ರ ಕುಮಾರ್ ಕಾರ್ ಸ್ಟ್ರೀಟ್ , ರೂಪಾ ಡಿ ಬಂಗೇರ, ಸ್ಥಳೀಯ ಕಾರ್ಪೊರೇಟರ್ ದಿವಾಕರ್, ಶ್ರೀಮತಿ ಪ್ರಫುಲ್ಲಾ ದಿನೇಶ್ ಮೊದಲಾದವರು ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.
ಸಮಾರಂಭದಲ್ಲಿ ಮಂಗಳೂರು ದಕ್ಷಿಣದ ಶಾಸಕರಾದ ವೇದವ್ಯಾಸ ಕಾಮತ್ ರವರನ್ನ ಸಮಾಜದ ಪರವಾಗಿ ಗೌರವಿಸಿ ಸನ್ಮಾನಿಸಲಾಯಿತು. ಸನ್ಮಾನಕ್ಕೆ ಉತ್ತರಿಸಿದ ಶಾಸಕರು ಕುಲಾಲ್ ಮಾತೃ ಸಂಘದ ಕಟ್ಟಡ ನವೀಕರಣಕ್ಕೆ ರೂಪಾಯಿ 5 ಲಕ್ಷ ಅನುಧಾನ ಘೋಷಿಸಿದರು.
ಕುಲಾಲ ಸಮುದಾಯದ ಸಾಧಕರಾದ ಮೆಸ್ಕಾಂ ನ ಹಿರಿಯ ಅಧಿಕಾರಿ ಮಂಜಪ್ಪ, ಸುರತ್ಕಲ್ ಕುಲಾಲ ಸಂಘದ ಅಧ್ಯಕ್ಷ ರಾದ ಸುಧಾಕರ್ ಸಾಲ್ಯಾನ್, ಖ್ಯಾತ ತುಳು ರಂಗ ನಟ ಹೆಚ್ ಕೆ ನಯನಾಡು, ಮಾಧ್ಯಮ ಬಿಂಬದ ಸಂಪಾದಕರಾದ ವಸಂತ್ ಕುಲಾಲ್, ಮೂಡಬಿದ್ರೆಯ ಮಾಸ್ಟರ್ ಸಾನ್ವಿತ್ ಕುಲಾಲ್ ಇವರಿಗೆ ಜಿಲ್ಲಾ ಸಾಧಕ ಪುರಸ್ಕಾರ ನೀಡಿ ಸನ್ಮಾನಿಸಲಾಯಿತು.
