ಬಂಟ್ವಾಳ(ಕುಲಾಲ್ ವರ್ಲ್ಡ್ ಡಾಟ್ ಕಾಮ್): 2019-20ನೇ ಶೈಕ್ಷಣಿಕ ಸಾಲಿನ ಎಸ್ಎಸ್ಎಲ್ಸಿ ಪರೀಕ್ಷೆಯಲ್ಲಿ 605(96.8%) ಅಂಕ ಗಳಿಸಿರುವ ಬಂಟ್ವಾಳ ಎಸ್ ವಿ ಎಸ್ ದೇವಳ ಆಂಗ್ಲ ಮಾಧ್ಯಮ ಪ್ರೌಢಶಾಲೆಯ ವಿದ್ಯಾರ್ಥಿನಿ, ಜಕ್ರಿಬೆಟ್ಟು ಸುರೇಶ್ ಕುಲಾಲ್ ಮತ್ತು ದಿವ್ಯಲತಾ ದಂಪತಿಯ ಸುಪುತ್ರಿ ಸುದೀಕ್ಷಾ ಎಸ್. ಕೆ ಇವರ ಮನೆಗೆ ತೆರಳಿ ಮಾಜಿ ಸಚಿವ ರಮಾನಾಥ ರೈ ಅವರು ಅಭಿನಂದಿಸಿದರು.
ಈ ಸಂದರ್ಭ ಬಂಟ್ವಾಳ ಕರಾವಳಿ ಕುಲಾಲ ಯುವ ವೇದಿಕೆಯ ಅಧ್ಯಕ್ಷ ಸುಕುಮಾರ್ ಬಂಟ್ವಾಳ, ಜಿ.ಪಂ. ಸದಸ್ಯ ಚಂದ್ರಪ್ರಕಾಶ್ ಶೆಟ್ಟಿ, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಬೇಬಿ ಕುಂದರ್, ನಗರ ಪಂಚಾಯತ್ ಸದಸ್ಯ ಜನಾರ್ದನ ಚಂಡ್ತಿಮಾರ್, ಉಮೇಶ್ ಕುಲಾಲ್ ನಾವೂರು, ಯುವ ವೇದಿಕೆಯ ಸತೀಶ್ ಕುಲಾಲ್ ಜಕ್ರಿಬೆಟ್ಟು, ಹರಿಪ್ರಸಾದ್, ದೇವಪ್ಪ ಪಂಜಿಕಲ್, ಜಿತೇಂದ್ರ ಕುಲಾಲ್ ಮೊದಲಾದವರು ಜೊತೆಗಿದ್ದು ಶುಭ ಕೋರಿದರು.
